بلد المليون حمار

موضوع: بلد المليون حمار 26/3/2008, 5:25 am

هاي بلد حاكمها ولد مغوار
كان ف الأول قرد ينط
وصار ف الآخر باينه حمار

هاي البلد بلد حدود
كله يدين بديانة قرود
بالضبط دينهم دينارهم
وديانة الحدود دولار / دينار

ف بلدنا يا سويلم
دفع الغرب لكل الحمير
وعلموهم التزوير
ورغم انو بكل بلد في حمير
صار بهالبلد مليون حمار

وف بلد المليون حمار
بتساوي العالِم و الزمار
وما حدا بيفهم الأخبار
وبمشي الكلب مع القط
وبيحرسهم أصغر فار

ومن أصغر كُرْ لأكبر حمار
كله مشارك بهالعار
حمل جحوشه وسار وسار
وملا كروشه ودب جيوبه بالدولار

وف بلد المليون حمار
الزمن أسرع دوار
كله بيحدي وكله بيفتي
والناتج بلاوي كثار

وقسموا الدار
وجار الزمن ع الجحوش جار
والدار انهدت ع الدار
وكله ماشي ع المسمار
وبيتشنقل ع الدوار

فتح المعبر سكر معبر
الحق يا زعر جيب السكر
جيب مالبورو وجيب إل إم
والجمرك ما عاد يلم

الحق يا بني جيب الجبني
بيع يا سويلم لا تغلبني
جيب بنزين وجيب سولار
والكل صاير تجار
ومش عارف آخر المشوار

اقطع كهرب واقطع غاز
والدنيا صارت ألغاز
اقدح حجر بطلع شرر
لزم الحطب شعلة لهب
رقصة غضب شعب العجب

ف بلدنا كله زعلان
ويقول ع الباقي خربان
لابس عريان كله سيان
بس ما فيهم واحد ندمان
مش بقلك كله جنان

الشتايم بالأطنان
والجرايم بالمجان
هذا انقلابي وهذا خوان
وهذا أبوه كان جعران
وهذا أبوه كان طرازان

ودق الطبل ورقص القرد
وازرع واقلع بيتنجان
ودمك يا بني صار نسيان
واحمل يا حمار التيجان
وين كنا ووووين صرنا